“Ёз фаслида жазирамада иссиқликдан оз бўлса-да халос бўлиш учун музқаймоқ истеъмол қилиш ёрдам бермайди”, — дейди шифокор-кардиолог Дмитрий Орловский.
Мутахассиснинг таъкидлашича, музқаймоқ овқат ҳазм тизимини ишга туширади ҳамда метаболизмни тезлаштиради. Бу эса тананинг янада қизиб кетишига олиб келади.
Кардиолог Орловский қайд этишича, музқаймоқ организм совишига эмас, балки аксинча, янада қизғин ишлашига сабаб бўлади. Мазкур ширинлик сизга вақтинчалик салқинлик беради ва ошқозонга тушгандан сўнг, музқаймоқдаги юқори калория ҳазм қилиш тизимини жадал ишлашга ва кўпроқ энергия сарф қилишга ундайди.
“Музқаймоқ организмга ширин газли ичимлик каби таъсир қилади: у метаболизмни рағбатлантиради ва қўшимча калорияларни ҳазм қилиш учун иссиқлик ҳосил қилади. Музқаймоқ истеъмол қилиш сизга узоғи ярим соатлик салқинлик бериши мумкин, кейин эса бутун танангиз исий бошлайди”, — деб тушунтирди кардиолог.
Изоҳ (0)