НАТОга аъзо 32 давлатдан 23 таси 2024 йилда ҳарбий харажатларини ЯИМнинг 2 фоизигача оширди, альянснинг умумий ҳарбий харажатлари ўтган йилга нисбатан 18 фоизга ошади.
Бу ҳақда НАТО бош котиби Йенс Столтенберг АҚШ президенти Жо Байден билан учрашувда маълум қилган.
![](/static/2024/06/18/yens5-oRaKDq-e.jpg)
“Бугун биз ҳарбий харажатлар бўйича янги рақамларни эълон қилишга муваффақ бўлдик. Европа ва Канададаги НАТО давлатлари ҳарбий харажатларини 18 фоизга оширди ва бугунги кунда 23 давлат ялпи ички маҳсулотнинг 2 фоизига етди”, — деди Столтенберг.
Унинг таъкидлашича, бу НАТО ҳарбий харажатларининг сўнгги ўн йилликлардаги энг катта ўсиши, бу Қўшма Штатлар учун яхши, чунки бу пулнинг учдан икки қисми Қўшма Штатлардаги ҳарбий шартномаларга йўналтирилади.