Термиз шаҳрида транспорт воситасини олиб қочишда айбланган шахс 15 йил муддатда озодликдан маҳрум этилди. Бу ҳақда Олий суд матбуот хизмати хабар берди.
Қайд этилишича, 1975 йилда туғилган шахс муқаддам бир неча маротаба судланган бўлишига қарамасдан, маст ҳолатда ҳайдовчи томонидан очиқ қолдирилган машинани олиб қочган. Иш ҳужжатларида айтилишича, фуқаро олиб қочилган Matiz машинасида ЙТҲга учраган.
Жиноят ишлари бўйича Термиз туман судининг ҳукмига мувофиқ Жиноят кодексининг 267-моддасида (транспорт воситасини олиб қочиш) назарда тутилган жиноятни содир этган ўта хавфли рецидивист 15 йил муддатга озодликдан маҳрум қилинди.
Бундан олдин Фарғонада “мойка” ходими Жиззахдаги севган қизини кўргани бориш учун ўзганинг Lacetti'сини миниб қочгани, Тошкентдаги машина ювиш шохобчасидан олиб қочилган Nexia-3 Андижондан топилгани тўғрисида хабар берилганди.
Изоҳ (0)