Нонуштага ҳўл мева истеъмол қилиш фойдалими: диетолог жавоб берди

Парҳезшунослар ва мутахассисларнинг таъкидлашича, нонушта кунлик истеъмол қилинадиган овқатларнинг энг муҳим ва керакли қисми ҳисобланади. Кун давомида ўзингизни яхши ҳис этишингиз ва кўтаринки кайфият эрталаб истеъмол қилинган таомга боғлиқ. Нонуштага фақат ҳўл мева ейиш фойдалими? Қуйида батафсил кўриб чиқамиз.

Тўғри танланган нонушта уйқучанлик ва апатияни йўқ қилади, соғлиқ ва кайфиятни яхшилаб, вазнни бир маромда сақлашга ва кун давомида иштаҳани камайтиришга ёрдам беради.

Нонушта учун фақат мева

Парҳезшунослар нонуштага фақат ҳўл меваларни истеъмол қилишни тавсия этмайди. Агар мевалар билан бирга йогурт, творог ёки кефир қўшиб ейилса, нонушта фойдали бўлади. Бундай таом тананинг фойдали микроэлементлар ва витаминларга бўлган эҳтиёжини қондиради.

Аммо мевалар ўрнига шарбат ёки фреш ичимликларга алмаштириш керак эмас, чунки шарбатларда овқат ҳазм бўлиши учун ўсимлик толаси етарли бўлмайди. Шиндай бўлса-да, эрталаб нон маҳсулотлари ва ширинликлар ўрнига мева ёки унинг шарбатини истеъмол қилиш яхшироқ.

Нонушта учун қуйидаги мевалар энг фойдали саналади:

• Олма;
• Киви;
• Манго;
• Грэйпфрут;
• Апелсин.

Ошқозонда кислота ҳажми ошган шахслар оч қоринга нордон мевалар ейишдан эҳтиёт бўлишлари керак. Бундай беморларга ширин навли олма мос келади. Чунки олма холестерин даражасини пасайтиради, токсинлардан халос этади ва метаболизмни ишга туширади.

Шунингдек, парҳезшунослар кунни танадаги метаболик жараёнларни рағбатлантирадиган бир жуфт киви билан бошлашни маслаҳат беради. C витаминига бой цитрус мевалари тонгда тетиклантирувчи ва кайфиятни кўтарувчи хусусиятга эга.

Нонуштага мева истеъмол қилиш зарарлими ёки фойдали?

Мевалар асосий нонуштадан бир ёки икки соат олдин истеъмол қилиниши мақсадга мувофиқ. Шу ўринда эрталаб ейиш тавсия этилмайдиган меваларни эслатиб ўтамиз:

Банан ва авакадо. Уларнинг калорияси жуда юқори, шунинг учун парҳез тутаётган шахслар учун мос эмас;

Нок. Оч қоринга ейилган нок ичак фаолиятига салбий таъсир этиши мумкин;

Uzum. Таркибида юқори миқдорда глюкоза бўлгани сабабли му меваби қайта ишлаш ошқозонга қийин бўлади.

Агар тонгда истеъмол қилинган мевадан сўнг ошқозонда ноқулайликлар кузатилса, бундай парҳез сизга тўғри келмаслигидан дарак беради.