Parhezshunoslar va mutaxassislarning ta’kidlashicha, nonushta kunlik iste’mol qilinadigan ovqatlarning eng muhim va kerakli qismi hisoblanadi. Kun davomida o‘zingizni yaxshi his etishingiz va ko‘tarinki kayfiyat ertalab iste’mol qilingan taomga bog‘liq. Nonushtaga faqat ho‘l meva yeyish foydalimi? Quyida batafsil ko‘rib chiqamiz.
To‘g‘ri tanlangan nonushta uyquchanlik va apatiyani yo‘q qiladi, sog‘liq va kayfiyatni yaxshilab, vaznni bir maromda saqlashga va kun davomida ishtahani kamaytirishga yordam beradi.
Nonushta uchun faqat meva
Parhezshunoslar nonushtaga faqat ho‘l mevalarni iste’mol qilishni tavsiya etmaydi. Agar mevalar bilan birga yogurt, tvorog yoki kefir qo‘shib yeyilsa, nonushta foydali bo‘ladi. Bunday taom tananing foydali mikroelementlar va vitaminlarga bo‘lgan ehtiyojini qondiradi.
Ammo mevalar o‘rniga sharbat yoki fresh ichimliklarga almashtirish kerak emas, chunki sharbatlarda ovqat hazm bo‘lishi uchun o‘simlik tolasi yetarli bo‘lmaydi. Shinday bo‘lsa-da, ertalab non mahsulotlari va shirinliklar o‘rniga meva yoki uning sharbatini iste’mol qilish yaxshiroq.
Nonushta uchun quyidagi mevalar eng foydali sanaladi:
- Olma;
- Kivi;
- Mango;
- Greypfrut;
- Apelsin.
Oshqozonda kislota hajmi oshgan shaxslar och qoringa nordon mevalar yeyishdan ehtiyot bo'lishlari kerak. Bunday bemorlarga shirin navli olma mos keladi. Chunki olma xolesterin darajasini pasaytiradi, toksinlardan xalos etadi va metabolizmni ishga tushiradi.
Shuningdek, parhezshunoslar kunni tanadagi metabolik jarayonlarni rag‘batlantiradigan bir juft kivi bilan boshlashni maslahat beradi. C vitaminiga boy sitrus mevalari tongda tetiklantiruvchi va kayfiyatni ko‘taruvchi xususiyatga ega.
Nonushtaga meva iste’mol qilish zararlimi yoki foydali?
Mevalar asosiy nonushtadan bir yoki ikki soat oldin iste’mol qilinishi maqsadga muvofiq. Shu o‘rinda ertalab yeyish tavsiya etilmaydigan mevalarni eslatib o‘tamiz:
Banan va avakado. Ularning kaloriyasi juda yuqori, shuning uchun parhez tutayotgan shaxslar uchun mos emas;
Nok. Och qoringa yeyilgan nok ichak faoliyatiga salbiy ta’sir etishi mumkin;
Uzum. Tarkibida yuqori miqdorda glyukoza bo‘lgani sababli mu mevabi qayta ishlash oshqozonga qiyin bo‘ladi.
Agar tongda iste’mol qilingan mevadan so‘ng oshqozonda noqulayliklar kuzatilsa, bunday parhez sizga to‘g‘ri kelmasligidan darak beradi.
Izoh (0)