Соғлом ва қониқарли нонушта — муваффақиятли куннинг бошланиши. Аммо соғлом деганда нима назарда тутиляпти? Аниқланишича, нонуштада учун истеъмол қилинмайдиган маҳсулотлар мавжуд. Лекин деярли ҳамма кунини айнан шу маҳсулотлар билан бошлайди.
Хом сабзавотлар
Ҳақиқатан ҳам хом сабзавотлар соғлом озиқ-овқат маҳсулотлари ҳисобланади. Улар фойдали витаминлар ва минералларни ўзида жамлаган. Бироқ улар нонушта учун тавсия этилмайди. Негаки, сабзавотлар овқат ҳазм қилиш хусусиятига эга ва улар эрталаб оч қоринга истеъмол қилинса, ошқозон тизимида турли ноқулайликларни келтириб чиқариши мумкин.
Йогурт
Мева қўшилган йогуртни кўпчилик яхши нонушта деб ўйлайди. Бироқ оч қоринга йогурт фақат қисман фойдали бўлиши мумкин. Сабаби шундаки, йогурт таркибидаги сут кислотаси бактериялари оч ҳолатда ошқозонга тўғридан тўғри сўрилмайди. У ичакларга етиб боргунча барча фойдали моддаларни ўлдиради. Аммо буни бартараф этиш учун йогуртга бир нечта ёнғоқ, бир бўлак авокадо ёки бир қошиқ жўхори уни қўшиб истеъмол қилиш тавсия этилади.
Банан
Банан танани муҳим моддалар билан таъминлайди, аммо уни оч қоринга истеъмол қилиш тавсия этилмайди. Глюкоза мавжуд бўлган бошқа маҳсулотлар сингари банан ҳам қондаги шакар миқдорини оширади. Лекин бу давомий эмас, бир қанча вақт ўтгандан кейин шакар миқдори яна тушиб кетади. Оқибатда кун бўйи сизнинг иммун тизимингиз кўплаб безовталик ва ноқулайликлар билан курашишига тўғри келади.
Апельсин шарбати
Чиройли безатилган нонушта дастурхони расмларида бир стакан апельсин шарбатини кўрамиз, албатта. Аммо чиройли дегани фойдали дегани эмас. Оч қоринга ичилган апельсин шарбати ошқозон ёки ичак билан боғлиқ муаммоларни кучайтириши, шунингдек, ошқозон бузилишларини келтириб чиқариши мумкин. Шунинг учун уни нонуштада истеъмол қилиш тавсия этилмайди. Бунинг ўрнига эрталаб лимонли сув ичиш анча зарарсиз.
Изоҳ (0)