Диетологлар гречка бўтқаси энг фойдали маҳсулот эканини таъкидлайди ва ҳафтада камида бир марта ушбу маҳсулотни тановул қилишни тавсия қилади. Бироқ гречкани тўғри танланган маҳсулотлар билан қўшиб истеъмол қилиш муҳим, чунки айрим озиқ-овқатлар унинг таркибидаги фойдали хусусиятларини йўққа чиқаради.
Гречка нонушта, тушлик ва ҳатто кечки овқат учун мос таомдир. У вазн йўқотаётганлар учун ҳам, семириш истагида бўлганларга ҳам бирдек мос келади. Шунингдек, гречка организмда етишмаётган микроэлементларнинг мувозанатини тўлдиришга ва танада шиш пайдо бўлишининг олдини олишга ёрдам беради. Гречкани бошқа донли маҳсулотларга қараганда тез-тез истеъмол қилиш мумкин, чунки у глютенсиз, оқсилга бой дон саналади.
Гречкани қайси маҳсулотлар билан бирга истеъмол қилмаслик лозим?
Гречка ва сут
Сут лактозадан иборат, гречкада эса фитин кислотаси мавжуд. Ушбу кимёвий моддалар бир-бири билан мослашмайдиган бирикма бўлиб, овқат ҳазм қилиш жараёнини мураккаблаштиради. Гречкани сутга қайнатиб ичганда қорин шишади, ичакларда оғриқ ва бошқа нохуш ҳислар келиб чиқади.
Гречка ва тухум
Нонуштада тухум ейишга одатланган бўлсак-да, аслида унинг таркибидаги оқсил туфайли тухумни айрим маҳсулотлар билан истеъмол қилиб бўлмайди. Гречка ҳам шулар жумласидан. Тухум билан гречкани бирга еб бўлмайди, акс ҳолда аминокислоталарнинг сўрилиши қийинлашади ва ошқозон-ичак тракти билан боғлиқ муаммолар пайдо бўлади.
Гречка ва қора чой
Гречка темирга бой дон бўлиб, камқонлик билан оғриган инсонлар учун тавсия этилади. Аччиқ қора чой таркибидаги танинлар эса темирнинг фойдали хусусиятларини камайтиради ва унинг сўрилишига халақит беради. Гречка бўтқасини ўтли дамламалар билан ёки бир пиёла кўк чой билан истеъмол қилиш мумкин.
Изоҳ (0)