Навоий ва Самарқандда АҚШ ва Швецияга ишга юборишни ваъда қилиб, фирибгарлик йўли билан пул олган шахслар ушланди.
Бош прокуратура ҳузуридаги департамент ҳамда ДХХнинг Навоий вилояти бошқармалари томонидан ўтказилган тезкор тадбирда фуқаро Р.К. фуқаро Л.К.нинг ишончига кириб, уни 19 минг доллар эвазига Туркия ва Мексика орқали АҚШга олиб ўтиб, ушбу давлатда ишга жойлаштиришини айтиб, олдиндан 6 200 долларни олган вақтида ашёвий далиллар билан ушланган.
Департаментнинг Самарқанд шаҳар бўлими томонидан ўтказилган терговга қадар текширувда эса фуқаро У.Э. тўрт нафар фуқаронинг ишончига кириб, уларни Туркия орқали Швецияга ишлаш учун юборишини ваъда қилиб, жами 14 300 долларни фирибгарлик йўли билан қўлга киритгани аниқланган.
Мазкур ҳолатлар юзасидан Жиноят кодексининг 25, 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)