БМТнинг инсон ҳуқуқлари бўйича мустақил халқаро комиссияси Исроил ва бир қанча Фаластин ташкилотларини уруш жиноятларида айблади. Бу ҳақда Deutsche Welle хабар берди.
Комиссия ҳисоботига кўра, Исроил инсониятга қарши жиноятларни, фаластинлик эркак ва ўғил болаларга нисбатан уларни йўқ қилиш, ўлдириш, жинсий таъқиб қилиш, мажбуран кўчириш, қийноқлар содир этган ва ғайриинсоний муомалада бўлган.
Комиссия, шунингдек, ҲАМАС ва бошқа олти нафар Фаластин расмийларининг 7 октябрь кунги ҳаракатлари, шунингдек, Исроилнинг давомли ракета ҳужумларини ҳам уруш жинояти сифатида баҳолаган.
ҲАМАС ва Фаластин қуролли гуруҳлари ракета ҳужумларини зудлик билан тўхтатиб, барча гаровга олинганларни озод қилишлари керак, — дейилади ҳужжатда.
Ҳисоботда таъкидланишича, Ғазода тинч аҳолининг қурбон бўлиши ва фуқаролик объектлари ва инфратузилмаларининг кенг миқёсда вайрон бўлиши Исроилнинг фарқлаш, мутаносиблик ва эҳтиёткорлик тамойилларини эътиборсиз қолдириб, максимал зарар етказиш ниятида амалга оширган стратегиясининг муқаррар натижасидир.
Исроил комиссияни нохолисликда айблади
Комиссия раиси, БМТнинг Инсон ҳуқуқлари бўйича собиқ олий комиссари Нави Пиллайга кўра, Исроил зудлик билан ўз жанговар ҳаракатларини тўхтатиши, ҲАМАС эса Исроил ҳудудига ракета учиришни бас қилиши керак.
Ҳужжат муаллифларига кўра, Тель-Авив комиссиянинг текширувлари ва жанговар ҳудудга киришига тўсқинлик қилган. БМТ ушбу ҳисобот 19 июнь куни Женевада бўлиб ўтадиган БМТ Инсон ҳуқуқлари кенгашининг 56-сессиясида давлатларга тақдим этилишини маълум қилган.
Изоҳ (0)