Ўзбекистонлик 17 ёшли футболчи фаолиятини испан клубида давом эттиради

Ўзбекистонлик футболчи Лазизбек Мирзаев фаолиятини Испаниянинг “Леганес” клубида давом эттиради.

Бу ҳақида 17 ёшли футболчининг ўзи “Championatасиа” сайтига берган интервьюсида маълум қилди.

“U-17 Жаҳон Чемпионати гуруҳ босқичида Англияга урган голимдан сўнг Жеф исмли скаут мени испан клубига таклиф қилди. “Леганес” билан шартнома имзоладим.

У ерда 10 кун мобайнида тиббий кўрикдан ўтдим, машғулотларда иштирок этдим. 

Қачон клубга бориб қўшилишим эса ҳозирча аниқ эмас. Ҳозир “Локомотив” сафида тўп суряпман ва бор эътиборим ушбу клубга қаратилган.”, — дейди Лазизбек.

Аввалроқ ўзбекистонлик футболчи U-17 терма жамоасидаги муваффақиятли ўйинлари орқали хориж клублари скаутлари назарига тушгани хабар қилинганди.

Айниқса, ўтган йили ноябрь ойида 17 ёшгача футболчилар ўртасидаги жаҳон чемпионатида Лазизбек Мирзаевнинг жарима зарбасидан Англия терма жамоаси дарвозасини ишғол қилгани анча шов-шувларни келтириб чиқарган.

Мирзаев 2023 йил январдан буён Тошкентнинг “Локомотив” клуби сафида фаолият олиб бормоқда.

Лазизбекнинг трансфер суммаси 2023 йил якунига кўра, 50 минг евродан 200 минг еврога кўтарилган.

“Леганес” жорий мавсумда Сегундада 42 та учрашувда 74 очко жамғариб, мусобақа жадвалида биринчи ўринни эгаллади ва Ла Лига йўлланмасини қўлга киритди.