Яман ҳусийлари 10 июнь куни Адан бўғозида Либерия ва Швейцарияга тегишли кемаларга ҳужум уюштирган. Бу ҳақда АҚШ Марказий қўмондонлиги баёнотига асосланиб, Al Jazeera нашри хабар берди.
Манбада айтилишича, ҳужумга учраган кемалар тижорат ташувчилари бўлган. Ҳозирда фақат иккита кема Яман “Ансоруллоҳ”и ҳужумидан шикастлангани айтилган.
Ҳусийлар Либерия байроғи остидаги “Таввиши” контейнер ташувчисига жиддий зарар келтирган. Кема баллистик ракеталар билан урилгани маълум қилинган. Кема экипажи ичида яраланган ва ҳалок бўлганлар бўлмаган.
Маълумотларга кўра, ҳусийлар сўнгги 24 соатда Ҳудайда қирғоқларида кўплаб кемаларга ҳужум уюштирган. Уларнинг аксарияти тижорат кемалари бўлган.
Либерия ва Швейцария расмийлари сўнгги ҳужумларни қоралаган. Ҳарбий мақсадларга алоқаси бўлмаган. тижорат йўналишида ҳаракатланаётган кемаларга ҳужум жавобсиз қолдирилмаслиги кераклигини билдиришган.
АҚШ Марказий қўмондонлиги ва унинг Қизил денгиздаги ҳарбий контингенти ҳудудда ҳаракатланаётган кемаларга огоҳлантириш сигнали юборган. Қирғоқ ҳудудига яқинлашмаслик ҳақида кўрсатма берган.
Изоҳ (0)