“Барселона” асосий жамоанинг тўққиз нафар футболчисини янги мавсум учун рўйхатдан ўтказа олмади

“Барселона” Ла Лиганинг кейинги мавсуми учун асосий жамоанинг 9 нафар футболчисини рўйхатдан ўтказа олмади. Бу ҳақда Daily Mail хабар бермоқда.

Манбага кўра, сўнгги бир йил ичида маош учун бериладиган фонд миқдорининг икки баравар камайгани клубга футболчиларни рўйхатдан ўтказиш билан боғлиқ муаммони ҳал қилишга йўл қўйиб бермаган.

Аввалроқ каталонияликлар клубнинг янги бош мураббийи Ханс-Дитер Флик ва унинг мураббийлар штабини рўйхатдан ўтказишда қийналаётгани ҳақида хабар берилганди. Сабаблар ўхшаш: клуб мутахассис ва унинг жамоасини рўйхатдан ўтказиш учун сарфланаётган пулларни камайтириши ёки қўшимча маблағ ишлаб топиши керак.

Маълумот учун, “Барселона” 2023—2024 йилги мавсумда Испания чемпионатида иккинчи ўринни эгаллади. Жамоа мавсумнинг 38 учрашувида 85 очко жамғарди.