“Манфаатлар тўқнашуви тўғрисида”ги қонун ижросини ташкил этиш ишларини мувофиқлаштириш бўйича бош вазир раислигидаги Республика идоралараро комиссияси фаолияти ташкил этилди. Бу ҳақда президентининг “Манфаатлар тўқнашуви тўғрисида”ги қонуни ижросини самарали ташкил этиш чора-тадбирлари тўғрисида”ги қарорида қайд этилган.
Қарорга кўра, Коррупцияга қарши курашиш агентлиги ва Адлия вазирлиги Республика идоралараро комиссиясининг ишчи органлари этиб белгиланди.
Иккинчидан, қарор билан Республика идоралараро комиссияси томонидан 2024 йилда амалга ошириладиган ишлар юзасидан “Йўл харитаси” тасдиқланди.
Учинчидан, 1 июлга қадар “Манфаатлар тўқнашуви тўғрисида”ги қонун татбиқ этиладиган давлат органлари ва ташкилотларининг аниқ рўйхати шакллантирилади;
Тўртинчидан, давлат органлари ва ташкилотларида манфаатлар тўқнашувига йўл қўйилганлик, ёки унга олиб келиши мумкин бўлган ҳолатлар ўрганилиб, уларни тартибга солиш ишлари амалга оширилади. Хусусан:
- яқин қариндошларнинг бевосита бўйсунувда ёки назорат йўналишидаги ишлаётганлик ҳолати;
- ходимларнинг тадбиркорлик фаолиятида иштирок этиш ҳолатлари;
- яқин қариндоши ишлаётган объектни текширишда иштирок этиш ҳолатлари;
- ишдан бўшаган ходимнинг ўз иш жойида бевосита назоратида бўлган ташкилотларга ишга кириш ҳолатлари;
- назоратида бўлган тадбиркорлик фаолияти субъектининг акцияларига ёки устав фондидаги улушларига ёхуд уларнинг бошқарув органи аъзоси бўлган ҳолатларини;
- давлат харидларини амалга ошириш ва давлат мулкини хусусийлаштириш жараёнида манфаатлар тўқнашувига йўл қўйганлик ҳолатлари ўрганилади.
Коррупцияга қарши курашиш агентлиги директори Акмал Бурхоновнинг маълум қилишича, дастлабки таҳлилларга кўра, жами 27 мингдан ортиқ давлат ташкилотлари фаолияти ўрганиб чиқилиши ва уларда аниқланган манфаатлар тўқнашувини тартибга солиш чоралари кўрилади. Шунингдек, давлат улуши бўлган 2 мингдан ортиқ юридик шахсларнинг давлат харидларини белгиланган тартибга риоя қилиниши таъминлаш юзасидан амалий кўмак бериш ишлари амалга оширилади.
Изоҳ (0)