Европа Иттифоқи 31 май, жума куни Эрон Мудофаа вазирлиги раҳбари Муҳаммад Ризо Караи Аштианийга қарши санкциялар киритди, деб хабар берди Европа Иттифоқининг расмий журнали. Бунга Эроннинг Россияга ҳарбий соҳада ёрдам бергани сабаб бўлган.
Мудофаа вазиридан ташқари, яна беш нафар жисмоний ва уч нафар юридик шахс санкция жорий қилинганлар рўйхатига киритилган. Улар орасида, хусусан, Ислом инқилоби қўриқчилари корпуси денгиз кучлари, Эрон қуролли кучларининг қўшма қўмондонлиги, Эрон ҳарбий қўмондони Ғулом-Али Рашид ва бригада генерали Исмоил Қаани бор.
Европа Иттифоқи позициясига кўра, “Россия Украинада Эронда ишлаб чиқарилган дронлардан фойдаланмоқда”.
Ғарб давлатлари Россия Федерацияси Украинадаги амалиётлар чоғида Эрон дронларидан фойдаланган ва фойдаланмоқда, деб даъво қилмоқда. Москва ва Теҳрон эса буни рад этади.
Изоҳ (0)