Ўзбекистонда магистратура ва докторантура учун талаб этиладиган хорижий тиллар бўйича сертификатлар рўйхати тасдиқланди

Олий таълим, фан ва инновациялар вазирлиги, Мактабгача ва мактаб таълими вазирлигининг қарори билан магистратура ва докторантурага киришда тан олинадиган хорижий тилларни билиш даражасини белгиловчи миллий ва халқаро сертификатлар рўйхати тасдиқланди.

Олий таълим вазирининг буйруғи билан солиштирганда, қуйидаги сертификатлар рўйхатдан чиқариб юборилган:

инглиз тили бўйича

• • Test of English for International Communication (TOEIC).

  француз тили бўйича

  • Test de Connaissance du Francais (TCF).

  италян тили бўйича

  • Certificatos di Conoscenza della Lingua Italiana (CELI);
  • Certificazione di Italiano come Lingua Straniera (CILS).

  япон тили бўйича

  • Japanese Language Proficiency Test (JLPT).

  немис тили бўйича

  • Deutsches Sprachdiplom (DSD II).

  араб тили бўйича

  • The Arabic Language Proficiency Test, Arabic Proficiency Test (ALPT, APT, E-TOAFL, American Council on the Teaching of Foreign Languages (ACTFL).

Мазкур қарор кучга киргунга қадар олинган сертификатларга уларнинг олинган кунидан бошлаб амал қилиш муддати тугагунга (муддати чекланмаган (белгиланмаган) сертификатлар учун сертификат олинган кундан бошлаб уч йилдан кўп бўлмаган вақт мобайнида) қадар имтиёз қўлланилади.

Аввалроқ президент фармони билан Магистратура ва докторантурага айрим йўналишларда хорижий тил билиш сертификати даражаси пасайтирилган эди.