Xalqaro boks assotsiatsiyasi (IBA) Parijda bo‘lib o‘tadigan Olimpiya o‘yinlarining g‘olib va sovrindorlari uchun mukofot jamg‘armasini eʼlon qildi.
Unga ko‘ra, oltin medalni qo‘lga kiritgan bokschi 100 ming AQSH dollari oladi, ushbu mablag‘dan 50 ming dollari bokschining o‘ziga, 25 ming dollari esa milliy federatsiyaga va qolgan 25 ming dollari murabbiyga taqsimlanadi.
Kumush medal egalari 50 ming dollar oladi. Ushbu sovrin ham oltin medal kabi 25 ming dollari sportchiga va qolgan 25 ming milliy federatsiya va murabbiyga teng bo‘lib beriladi.
Bronza medali egalari 25 ming dollar bilan mukofotlanadi. Bu pullar ham tepadagi kabi taqsimlanib sportchining o‘ziga 12,5 ming dollar va qolgan yana shuncha pul esa milliy federatsiya va murabbiyga beriladi.
Endilikda chorak finalda mag‘lub bo‘lgan va beshinchi o‘rinni qo‘lga kiritgan bokschilar ham, har biri 10 ming dollardan mukofot jamg‘armasiga ega bo‘ladi.
Izoh (0)