Исроил ҳаво кучлари 22 май куни Ғазо шаҳрига ҳужум уюштириши оқибатида камида 7 нафар фаластинлик ҳалок бўлган. Бу ҳақда Al Jazeera нашри хабар берди.
Фаластиннинг WAFA агентлиги 7 киши ҳалок бўлгани ҳақидаги хабарни тасдиқлаган. Ҳужум асосан Ғазо шаҳри марказидаги аҳоли тўпланиш нуқталарига қаратилгани билдирилган.
Ҳужум содир бўлган Зейтун маҳалласида қидирув-қутқарув ишлар давом этаётгани билдирилган. Ҳужумлар такрорланиши эҳтимоли сабаб аҳолидан хавфсизлик чораларини кўриш сўралган.
Ғазо соғлиқни сақлаш вазирлиги Исроил ҳужумида яраланганлар сони 20 нафар эканини билдирган. Шаҳарда тиббиёт тизими издан чиққани боис яраланганларга дала шифохоналарида ёрдам кўрсатилаётгани билдирилган.
WAFA агентлиги хабар беришича, Исроил ҳарбий самолётлари дастлаб ёқилғи қуйиш шохобчаси олдида тўпланган оломонга ҳужум уюштирган. Кейинроқ эса шаҳар марказидаги бинолар нишонга олинган.
Соғлиқни сақлаш вазирлиги қурбонлар орасида болалар ҳам борлигини билдирган. Жароҳатланганлар орасида оғир даражада шикастланганлар борлиги боис қурбонлар сони ошиши мумкинлиги билдирилган.
Изоҳ (0)