Швеция ҳукумати 2024-2026 йилларда Украинага 7 миллиард доллар ҳажмида ҳарбий ёрдам ажратилишини маълум қилди. Бу ҳақда Тhе Kyiv Independent нашри хабар берди.
Манбада айтилишича, Стокгольмдаги ҳукумат янги ҳарбий ёрдам доирасида Украинага 75 миллиард швед кронаси ажратилишини маълум қилган. Ҳукумат ушбу лойиҳани 22 май куни расман тасдиқлаган.
Швеция Украинага кенг кўламли ҳужум бошланганидан Киевга 100 миллиард крона (9 миллиард доллар) маблағ ажратгани хабар қилинган. Ушбу маблағлар фуқаролик ва ҳарбий ёрдам тарзида етказиб берилган.
“Украинанинг Россия босқинига қарши кураши давом этмоқда. Бу курашда Швеция Украинани қанча керак бўлса шунча қўллаб-қувватлайди”, — дейилган Швеция мудофаа ва молия вазирликларининг қўшма баёнотида.
Украина учун ажратиладиган маблағлар мудофаа ускуналари харид қилиш учун молиявий ёрдам пакети кўринишида бўлиши маълум қилинган. Ушбу ёрдам қарори Швеция Демократлар партияси томонидан фаол қўллаб-қувватланган.
Швеция мудофаа вазири Пал Жонсон айтилишича, 2024 йилдан бошлаб Стокгольмнинг Киевга йиллик ҳарбий ёрдами ҳажми 2,3 миллиард доллар атрофида бўлади. Ушбу миқдорни ошириш имкониятлари яна кўриб чиқилаётгани айтилган.
Изоҳ (0)