2023 йил октябрь ойидан бери Ғазода БМТнинг фаластинлик қочқинларга ёрдам бериш агентлигининг (UNRWA) камида 198 нафар ходими ҳалок бўлди. Бу ҳақда UNRWA комиссари Филипп Лаззарини хабар берди.
1 май ҳолатига кўра, ҳарбий ҳаракатлар бошланганидан бери ҳалок бўлган UNRWA ходимларининг умумий сони 198 кишини ташкил этди. БМТнинг 160 та объекти тўлиқ ёки қисман вайрон қилинган, — деди Лаззарини.
UNRWA раҳбари ас-Сафадийнинг Ғазодаги уруш жиноятлари учун айбдорларни жавобгарликка тортиш учун кенг қамровли ва шаффоф халқаро тергов ўтказилишини талаб қилган баёнотини қўллаб-қувватлаган.
Ҳа, жиноят содир этганларни жавобгарликка тортиш вақти келди, — дея таъкидлаган у.
UNRWA раҳбарининг сўзларига кўра, халқаро ҳамжамиятнинг Исроилни қочқинларнинг ярми бошпана топган Рафаҳга ҳужум қилмаслик ҳақидаги барча чақириқларига қарамай, босқин 6 май куни бошланган.
Натижада икки асосий ўтиш жойи, Рафаҳ ва Керем Шалом уруш зонасига айланган ва чегарадан гуманитар ёрдамлар ҳаракати қисқарган. Лаззарини Ғазодаги аҳолининг вайрон бўлган уйларига қайтишдан бошқа иложи йўқлигини қўшимча қилган.
Изоҳ (0)