Украинадаги Россия армиясининг шимолий жанговар қисмлари 18 май куни Харьков вилоятининг Старица ҳудудини эгаллаган. Бу ҳақда Россия Мудофаа вазирлиги баёнотига асосланиб, “ТАСС” нашри хабар берди.
Манбада айтилишича, Украина кучлари Старица йўналишида ортга чекинган. Шаҳарча атрофидаги муҳим стратегик нуқталарга рус қуролли қисмлари жойлашган.
“Шимолдаги жанговар гуруҳ бўлинмалари фаол операцияларни амалга ошириб, Харьков вилоятидаги Старица аҳоли пунктини озод қилди. Душман мудофаасига чуқурроқ кириб борилди”, — дейилади Россия Мудофаа вазирлиги хабарида.
Мудофаа вазирлиги жума ва шанба кунлари Россия ҳаво ҳужумидан мудофаа тизими 37 та Украина дрони, 1 та “Точка-У” ракетаси, 21 та HIMARS ракетаси, шунингдек, Вампире русумидаги ракеталарни уриб туширганини хабар қилган.
Мудофаа вазирлиги, шунингдек, ўтган кун давомида 134 та ҳудудда Украина қўшинлари ва ҳарбий техникасига шикаст етказилганини айтган. Ҳужумларда 270 нафаргача Украина аскари ҳалок бўлгани маълум қилинган.
“Ғарбий жанговар гуруҳ бўлинмалари янада қулайроқ позицияларга ўтди ва Украина қуролли кучларининг 14-механизациялаштирилган бригадаси ва 110-ҳудудий мудофаа бригадаси яқинидаги кучларни мағлубиятга учратди. Харьков вилоятидаги Синковка ва Ивановка ҳамда Луганск Халқ Республикасининг Артёмовка шаҳарлари, шунингдек, Червоная Диброва яқинида Украина қуролли кучларининг 63-механизациялашган бригадаси ҳужумчи гуруҳининг ҳужуми қайтарилди”, — дейилади Россия Мудофаа вазирлиги хабарида.
Украина расмийлари Харьков вилоятидан эвакуация қилинган фуқаролар сони 10 минг нафарга етганини билдирган. Вилоят шимоли ва шимоли-шарқида руслар билан фаол жанглар кетаётгани хабар қилинган.
Изоҳ (0)