АҚШ 20 май куни Украинага қурол етказиб беришни мувофиқлаштириш бўйича Ғарбий алоқа гуруҳининг навбатдаги йиғилишини ўтказади.
Бу ҳақда Пентагон матбуот хизмати тарқатган баёнотда айтилган.
“АҚШ мудофаа вазири Ллойд Остин ва АҚШ Қуролли кучлари штаб бошлиқлари бирлашган қўмитаси раиси генерал Чарльз Браун 20 май куни Пентагонда Украина бўйича алоқа гуруҳининг виртуал учрашувини ўтказади”, — дейилади ҳужжатда.
Баёнотда айтилишича, маслаҳатлашувларда 50 га яқин давлатдан мудофаа бошлиқлари ва штаб бошлиқлари иштирок этади.
Изоҳ (0)