Шимолий Корея янги бошқарув тизими билан жиҳозланган тактик баллистик ракетани синовдан ўтказди.
Бу ҳақда Корея марказий ахборот агентлиги (KCNA) маълум қилди.
“17 май куни КХДР бош ракета бошқармаси Кореянинг Шарқий денгизида янги автоном навигация тизимига эга тактик баллистик ракетани синовдан ўтказди”, — дейилади хабарда.
Қайд этилишича, синов давомида ушбу тизимнинг аниқлиги ва ишончлилиги текширилган. Синовларда Шимолий Корея етакчиси Ким Чен Ин иштирок этди.
Аввалроқ Ким Чен Ин ўқотар қуроллар ишлаб чиқарувчи корхонага ташриф буюриб, у ерда намуналарни кўздан кечиргани ва янги снайпер милтиғига алоҳида қизиқиш билдиргани хабар қилинганди.
Изоҳ (0)