Мутахассисларнинг прогнозларига кўра, тошқиндан кейин Қозоғистон қурғоқчиликка дучор бўлиши мумкин. Таҳлилчилар, шунингдек, тошқин тупроқнинг унумдор қатламини ювиб кетганидан хавотирда. Бу ҳақда “Informбюро 31” хабар берди.
Мутахассисларнинг фикрича, Қозоғистондаги сув тошқинлари ҳосилга салбий таъсир кўрсатади. Сув тупроқнинг бутун унумдор қатламини ювиб юборган. Лекин энг ташвишлиси — келаётган ёз қуруқ бўлиши мумкин.
Ҳар йили исиш жараёни янада шиддатли ва кучлироқ тус олмоқда. Агар баҳорда сув босса, ёзда сув бўлмайди. Энди эса бу сувларнинг ҳаммасини тўплаш учун суғориш каналлари, омборли каналлар қуришимиз керак, — дейди жамоат бирлашмаси раҳбари Тимур Элеусизов.
Мутахассислар сувни бир жойга йиғиш учун кўпроқ сув омборлари ёки “воронкалар” қуришни таклиф қилмоқда. Улардан кейинчалик суғориш ва балиқ етиштириш учун фойдаланиш мумкин.
Water Ҳуб халқаро тадқиқот маркази директори Анатолий Рябцевнинг айтича, сув босганда ёки бирор жойда кучли ёғингарчилик бўлса, бу қуруқ шамолни, қуруқ об-ҳавонинг кириб келишини англатади.
“Казгидромет” кузги дала ўрганиш натижаларини эълон қилган: Ақмўла вилоятида ва Қозоғистоннинг аксарият қисмида тупроқнинг қониқарли намлиги қайд этилган, бу келажакдаги ҳосил учун ижобий шарт-шароитларни таъминлайди.
Июнь ойида Ақмўла вилоятининг аксарият ҳудудларида ўртача ҳаво ҳарорати меъёрдан юқори бўлиши кутилмоқда. Июль ва август ойларидаги прогнозларга кўра, ҳаво ҳарорати меъёрда, июлда ёғингарчилик миқдори меъёрдан юқори, августда эса меъёр атрофида бўлиши кутилмоқда, — дейди етакчи агрометеоролог муҳандис Ойгул Кантаэва.
Изоҳ (0)