Ижтимоий тармоқларда “Сурхондарё вилояти Шўрчи туманида ҳам тожикистонлик бола ўғриларини ушлашгани айтилмоқда” мазмунидаги турли хабарлар тарқалмоқда. Вилоят ИИБ ҳолатга изоҳ берди.
Қайд этилишича, ушбу хабарлар юзасидан масъуллар томонидан ўрганиш ишлари олиб борилди. Ўрганишлар натижаси ушбу хабарлар асоссиз ва ҳақиқатдан йироқ эканини кўрсатмоқда.
Видеодаги ҳолат Қумқўрғон тумани “Боботоғ” маҳалласида содир бўлган. Мазкур ҳолат юзасидан Қумқўрғон тумани ИИБ ходимлари томонидан ўрганилганда, ушбу шахслар Молдова фуқаролари бўлиб, хўжалик буюмларини сотиб юрганини маълум қилган. Туман фуқаролари ўртасида келишмовчилик келиб чиққан. Ҳолат юзасидан тан жароҳати олганлар йўқ.
Ушбу ҳолат юзасидан Қумқўрғон тумани ИИБ томонидан суриштирув ишлари олиб борилмоқда.
Изоҳ (0)