Rossiya prezidenti Vladimir Putin 15-may kuni harbiy okruglar qo‘mondonlari bilan uchrashuv o‘tkazdi, unda Rossiya Xavfsizlik kengashi kotibi Sergey Shoygu va mudofaa vaziri Andrey Belousov ishtirok etdi. Bu haqda Kreml xabar berdi.
Putinning ta’kidlashicha, Belousovning mudofaa vaziri etib tayinlanishi mudofaa xarajatlarining oshishi bilan bog‘liq. U yangi vazir armiya iqtisodiyotini mamlakatning umumiy iqtisodiyotiga “moslashtira olishi”ni aytdi. Rossiya prezidenti shaxsiy ko‘rsatmasi bo‘yicha Belousov ikkilamchi maqsadli ishlanmalarga, jumladan, dronlarni ishlab chiqarishni rivojlantirishga eʼtibor qaratganini ta’kidladi.
Bu nihoyatda muhim narsa. Aytmoqchimanki, bu sanoatni innovatsion rivojlantirish, iqtisodiyot va byudjet imkoniyatlarini hisobga olish bilan bog‘liq, – dedi u.
Putinning qo‘shimcha qilishicha, Bosh shtabda “hech qanday o‘zgarishlar yo‘q va rejalashtirilmagan”.
Jangovar blok ishi yo‘lga qo‘yilgan, u ritmik faoliyat yuritmoqda va muvaffaqiyatli ishlaydi. Bunda hech qanday o‘zgarishlar rejalashtirilmayapti, — dedi Rossiya prezidenti.
U 12-may kuni Sergey Shoyguni mudofaa vaziri lavozimidan ozod etib, Rossiya Xavfsizlik kengashi kotibi etib tayinladi. O‘sha kuni Putin mudofaa vaziri lavozimiga iqtisodchi Andrey Belousov nomzodini taklif qildi.
Shoygu o‘zining yangi lavozimida prezident huzurida faoliyat yurituvchi harbiy-sanoat kompleksi komissiyasini ham boshqaradi va Xorijiy davlatlar bilan hamkorlik bo‘yicha federal xizmat ishini tashkil qiladi, — dedi Putin.
- 14-may kuni Rossiya prezidenti hukumatning yangi tarkibini tayinlash haqidagi farmonni imzoladi va Andrey Belousov mudofaa vaziri etib tayinlandi.
- U 1959-yil 17-martda tug‘ilgan, 1981-yilda Moskva davlat universitetining iqtisod fakultetini imtiyozli diplom bilan tamomlagan.
- Belousov so‘nggi 12 yil davomida iqtisodiyot vaziri, prezident yordamchisi va bosh vazirning birinchi o‘rinbosari lavozimlarida ishlagan.
Izoh (0)