Андижон ва Самарқанд вилоятларида ер майдонларини сотиш билан боғлиқ фирибгарлик ҳолатлари фош этилди.
Бош прокуратура ҳузуридаги Департамент ҳамда ДХХнинг Олтинкўл тумани бўлимлари томонидан ўтказилган тезкор тадбирда фуқаро О.Ш. “Иттифоқ” МФЙ ҳудудидаги 80 сотих нотурар ер майдонини фуқаро А.Б.га фирибгарлик йўли билан 160 минг долларга сотишга келишиб, гўёки кадастр бўлимида ишловчи танишлари ёрдамида ушбу ер майдонидан турар жой сифатида фойдаланиши учун яна 10 минг доллар бериши кераклигини айтган.
Келишилган пулдан 50 минг долларни олган вақтида ашёвий далиллар билан ушланган.
Шу каби, Департамент, ДХХ ва ИИБ Самарқанд вилояти бошқармалари ҳамкорлигида ўтказилган тезкор тадбирда фуқаро Ш.Э. Пайариқ тумани “Маниобод” маҳалласида жойлашган ижара ҳуқуқи асосида деҳқон хўжалигини юритиши учун ажратилган 2,1 гектар ер майдонини фуқаро А.А.га 36 минг долларга сотишга келишган.
Олдиндан 20 минг долларини фирибгарлик йўли билан олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)