Исроил бош вазири Биньямин Нетаньяху ҲАМАСнинг талабларига рози бўлмаслигини ва барча мақсадлари амалга ошмагунча Ғазо секторидаги ҳарбий амалиётини давом эттиришини маълум қилди. Бу ҳақда Euronews хабар берди.
Биз ҲАМАС батальонлари яширинган жойларидан чиқиб, Ғазо устидан назоратни қайтариб олишлари, ҳарбий инфратузилмаларини тиклашлари ва Исроил фуқароларига ва мамлакат бўйлаб таҳдид соладиган вазиятни қабул қилишга тайёр эмасмиз, — дейди Нетаньяху.
Унинг қўшимча қилишича, Исроил ҲАМАС томонидан гаровга олинганлар эвазига ҳарбий ҳаракатларни тўхтатишга рози бўлади.
ҲАМАС жангчиларининг Ғазонинг “Керем Шалом” ҳудудида уюштирган ҳужуми музокара жараёнини хавф остига қўйган.
Исроил армиясига кўра, ҲАМАС назорат-ўтказиш пункти йўналиши бўйича 10 та ракета отган. ҲАМАС расмийларининг айтишича, гуруҳ нишони Исроил ҳарбийлари бўлган. Маҳаллий ОАВ маълумотларига кўра, камида 10 киши жароҳат олган, улардан уч нафарининг аҳволи оғир.
Исроил расмийларининг буйруғи билан терминал ёпилган ва у орқали инсонпарварлик юкларини етказиб бериш тўхтатилган. Қачон ўз ишини давом эттириши айтилмаган.
Изоҳ (0)