“Украина Россияга Британия қуроллари билан ҳужум қилишга ҳақли” — Дэвид Кэмерон

Буюк Британия ташқи ишлар вазири Дэвид Кэмерон 2 май куни Киевга ташрифи чоғида Украина Британиядан олинган қуроллар билан Россия ҳудудига зарба беришга ҳуқуқи борлигини таъкидлади, дея Reuters хабар берди.

Украинада  бундай ҳуқуқ мавжуд, Россия Украина ҳудудига ҳужум қилмоқда ва Украина ўзини ҳимоя қилиш заруратини ҳис қилаётгани тушунарли, — дейди Кэмерон.

Британия ТИВ раҳбари Лондон Киевга ҳар йили 3 миллиард фунт стерлинг (3,5 миллиард евро) миқдорида ёрдам кўрсатишига ваъда бериб, Украинага Буюк Британиядан янги қурол-яроғ етказиб бериш истиқболлари ҳалигача ноаниқ эканини айтган. У техника ва қурол-яроғлар бўйича барча бериладиган ёрдамлар тугаганини маълум қилган.

Киевда Кэмерон Украина президенти Владимир Зеленский ва бошқа сиёсатчилар билан учрашган.

Март ойида Германияга ташрифи чоғида Кэмерон немис ҳукуматини Украинага “Лондонга TAURUS, Киевга Storm Shadow” форматидаги ракеталарни айлана шаклида етказиб беришни истисно қилмасдан, Украинага TAURUS самолётлари қанотли ракеталарини етказиб беришга чақирган.

Кэмерон Берлиннинг Украинани узоқ масофага учувчи ракеталар билан таъминлаш урушнинг авж олишига олиб келади деган хавотирларини рад этган.

Ушбу қуроллар эскалацияга ҳисса қўшмаслиги учун улардан фойдаланишда чекловлар киритиш мумкин, — деган эди Кэмерон немис газетасига берган интервьюсида.