“Барселона яхшироқ ўйнади ва ғалабага ҳақли эди” — Хави

“Барселона” бош мураббийи Хави Ла Лиганинг 32-туридан ўрин олган “Реал” (2:3) билан ўйиндан сўнг ўз фикрларини билдириб ўтди.

Жамоам билан фахрланаман. Ўйлашимча, биз яхшироқ ўйнадик ва курашдик. Кўпроқ вазиятлар яратиб, яхши ҳимояландик. Ўйинни назорат қилдик ва ғалабага ҳақли эдик.

Энди фақат иккинчи ўрин ҳақида ўйлашимиз мумкин. Менда ҳозир тушунарсиз ҳиссиётлар бор. Ушбу ўйинда бизнинг ғалабамиз мантиқий якун бўларди. Лекин ўзимизда ҳам, ҳакам ишида ҳам баъзи жиҳатлар борки, уларни назорат қила олмаймиз.

Баҳсли вазият? Жуда хафаман. Тўп дарвозага кирганини ҳамма кўрди. 

Мавсум бошида “Хетафе” билан ўйиндан кейин ҳам, ўйиннинг бориши менга ёқмаётганини айтган эдим. Бугун ҳам тўлиқ мантиқсизлик бўлди, — деди каталонияликлар устози Хави.

Маълумот учун, беллашувни Сесар Сото Градо бошчилигидаги ҳакамлар бригадаси бошқариб борди.

“Барселона” клуби Ла Лига доирасидаги кейинги учрашувни Валенсияга қарши ўтказади. Учрашув 30 апрель санасида бўлиб ўтади.