Тошкент вилояти Чирчиқ шаҳрида Қўриқлаш бўлими ходимлари томонидан 13 тоннадан ортиқ рангли металлар талон-торож қилинишининг олди олинди. Бу ҳақда Миллий гвардия матбуот хизмати хабар берди.
Қайд этилишича, 19 апрель куни Тошкент вилояти Қўриқлаш бошқармаси ходимлари томонидан ҳаракатланаётган вақтида шубҳа уйғотган MAN русумли юк автомобили кузатилган. Юк машинаси Чирчиқ шаҳридаги “Ўзметкомбинат” АЖ корхонаси ҳудудидаги қора металл қабул қилиш шохобчасига кириб тарозидан ўтаётганда тўхтатилиб, текширилган.
Холислар иштирокида юк автомобилининг тиркама қисми ўрнатилган тартибда кўздан кечирилганда, давлат мулки бўлган тахминий оғирлиги 13 тоннадан ортиқ кимёвий аралашмалар учун мўлжалланган рангли металлар борлиги аниқланган.
Дастлабки суриштирувлар жараёнида юк автомобили ҳайдовчиси Чирчиқ шаҳрида яшовчи 57 ёшли Ф.Э экани, мазкур юкнинг ҳеч қандай ҳужжатлари йўқлиги маълум бўлган.
Ҳозирда ҳолат юзасидан Қўриқлаш бошқармаси ходимлари томонидан терговга қадар суриштирув ишларини олиб бориш учун Чирчиқ шаҳар ИИО ФМБга ҳужжатлар тақдим қилинган.
Бундан олдин Самарқандда иссиқхона қуриш учун ажратилган 1,7 млрд сўм кредит маблағи талон-торож қилингани, Қарши тумани прокуратураси терговчиси пора олаётганда ушлангани, Тошкент вилоятида газ заправка собиқ ҳисобчиси салкам 1 млрд сўмни ўзлаштиргани тўғрисида хабар берилганди.
Изоҳ (0)