Turkiyaning shimoliy qismida 18-aprel kuni 5,6 magnitudali yer silkinishi yuz berdi. Bu haqda Anadolu nashri xabar berdi.
![](/static/2024/04/18/zilz-S52kSMag.jpg)
Manbada aytilishicha, zilzila Tokat viloyatida yuz bergan. Zilzila kuchi Samsun, Yozgat, Chanqiri, Chorum viloyatlarida ham sezilgan.
Mamlakat shimolidagi Tokat viloyatining Sulusaroy tumanida mahalliy vaqt bilan kechki soat 18:11 da zilzila kuchi sezilgan. Tabiiy ofatlar va favqulodda vaziyatlarni boshqarish bo‘limi talafot oqibatlarini bartaraf qilishga kirishgan.
“Ayni damda Yozgat shahridagi 2 qavatli uy va Sulusaroydagi beshta omborxona zarar ko‘rgan”, — deyiladi rasmiy xabarda.
Tokat viloyati gubernatori No‘mon Xatipog‘lu maxsus bayonot eʼlon qilib, hozirga qadar qurbonlar yoki tan jarohati olganlar haqida maʼlumot kelib tushmaganini maʼlum qilgan.
Izoh (0)