“Бавария” ҳужумчиси Ҳарри Кейн “Байер”нинг Бундеслиганинг жорий мавсумидаги эрта ғалабаси, шунингдек, чемпионат савияси ҳақида гапирди.
“Бу мавсум биз учун лигадаги омадсиз мавсум бўлди. Леверкузенни эришган ютуқлари билан табриклайман. Биз бу мавсумда ўз даражамиздаги футболни кўрсата олмадик. Жамоага хоҳ у Чемпионлар Лигасида ёки чемпионатда бўлсин, ёрдам бермоқчиман. Шахсан мен жамоага ёрдам беришни ва голлар уришни хоҳлайман.
Бундеслига мен учун ажойиб тажриба бўлди. Леверкузен еврокубокларда ҳам ажойиб мавсум ўтказмоқда. Бу ерда жуда кучли клублар бор. Ҳар бир ўйинда бор кучимни беришга ҳаракат қиламан. Энди чемпионатдаги мақсадимиз иккинчи ўринда қолиш. Умуман олганда, менга Бундеслигада ўйнаш жуда ёқади”, — деб Кейн сўзларини келтирмоқда Bayern & Germany Х (собиқ Twitter) ижтимоий тармоғида.
Эслатиб ўтамиз, “Арсенал” ва “Бавария” ўртасидаги биринчи учрашув 2:2 ҳисоби билан якунланган. Жамоалар ўртасидаги жавоб ўйини 17 апрель куни бўлиб ўтади.
Изоҳ (0)