Украина шарқидаги Донецк вилоятида Россия ҳарбийларининг ялпи ўт очиши оқибатида тўрт киши ҳалок бўлди. Бу ҳақда The Moscow Times нашри хабар берди.
Хабарда айтилишича, рус ҳарбийлари Украина мудофаа чизиғига ҳужумни кучайтирган. Ҳудудда янги тўқнашувлар юзага келган.
Донецк вилояти губернатори Вадим Филашкиннинг айтишича, 14 апрель куни кечки пайт Россия кучлари тўпланиш нуқтасига яқин жойлашган кончилар шаҳарчаси Сиверскка уюштирилган ҳужум оқибатида тинч аҳоли орасида ўлим ҳолатлари юзага келган.
“Кеча кечки пайт шаҳар бир нечта ракеталардан ўққа тутилди. Ҳозирда маълум бўлишича, бу отишма натижасида 36 ёшдан 86 ёшгача бўлган тўрт киши ҳалок бўлган”, — деб ёзган Филашкин ижтимоий тармоқда.
Уруш бошланишидан олдин тахминан 11 минг нафар аҳолига эга бўлган Сиверск кончилар шаҳарчаси 2022 йил февралидан бери доимий равишда Россия ҳужумлари остида қолмоқда. Россия кучлари 2022 йил сентябрида ҳудудни аннексия қилганини эълон қилган.
Изоҳ (0)