Россиянинг Оренбург вилоятида юзага келган сув тошқинлари оқибатида 18,5 мингдан ортиқ аҳоли турар жойлари сув остида қолган. Бу ҳақда “ТАСС” нашри хабар берди.
Вилоят ҳокимлиги матбуот хизмати хабар беришича, сув тошқинлари остида қолган ҳудудлардан жами 16 547 киши эвакуация қилинган. Кўчирилганларнинг 4 648 нафари болалардир.
Ҳозирга қадар Оренбург вилоятидаги 18,5 минг шаҳар турар-жой биноси, 36,6 мингдан ортиқ ҳовли иншоотлари сув остида қолгани хабар қилинган. Шунингдек, 23 минг 600 дан ортиқ томорқа ерларини сув босган. 99 та аҳоли пункти ва 39 та боғдорчилик ширкатидаги 32 та муниципалитет ҳудуди тошқинга учраган.
Расмийлар берган маълумотларга кўра, 1100 дан ортиқ фуқаро вақтинчалик жойлаштириш марказларида яшамоқда. Тошқин сувлари чекинаётган ҳудудларда 100 дан ходимдан иборат 20 та тошқиндан зарарни баҳолаш комиссиялари фаолият юритмоқда.
Ҳозирда Оренбург вилояти ҳудудидан оқиб ўтувчи Урал дарёси сув сатҳи 1169 сантиметрлик даражада сақланиб тургани маълум қилинган. Мутахассислар кейинги 10 кун давомида сув сатҳи 3 баробар пасайишини тахмин қилган.
Изоҳ (0)