Франция чемпионатининг 29-турида “Ланс” клуби 12 апрель санасида “Мец” меҳмони бўлади.
Клуб қайдномага ўзбекистонлик ҳимоячи Абдуқодир Ҳусановни киритмади. Бош мураббий таркиб ҳақида тўхталиб, жароҳатдан қайтган футболчилар ҳақида маълумот берган, аммо у ҳимоячи Абдуқодир Ҳусанов ҳақида ҳеч қандай фикр билдирмаган. Lensois.com сайти футболчининг ўринбосарлар таркибида машғулотлар олиб бориши ҳақида маълумот тарқатган.
le11hdf.fr сайтида ҳам таркиб борасида маълумот берилган. Унга кўра, Абдул Ҳамед жароҳат сабаб таркибга киритилмаган, қолган футболчилар, шу жумладан Абдуқодир Ҳусанов таркибдан тушириб қолдирилиши сабаби келтирилмаган.
Ўзбекистон футбол ассоциацияси ҳозирда легионер футболчиларни мусобақага жалб қилиш борасида музокаралар давом этаётганини маълум қилган эди. Регламентга кўра, жамоа биринчи учрашувга 6 соат қолгунга қадар таркибда ўзгаришлар қилиши мумкин. Шунга кўра, Францияда тўп сураётган ҳимоячининг таркибга келиб қўшилишини тахмин қилиш мумкин.
Ўзбекистон фубол ассоциацияси бу ҳақда ҳозирча маълумот берганича йўқ.
Изоҳ (0)