Ижтимоий ҳимоя миллий агентлиги реестридаги ўзгалар парваришига муҳтож шахсларга уйда ижтимоий-маиший хизматларни кўрсатиш учун хусусий сектор иштирокчилари ҳамкорликка чақирилади.
![](/static/2024/Fozilbek/photo_2021-04-13_14-32-02.jpgdsfs.jpg)
Қайд этилишича, Тошкент шаҳрининг Мирзо Улуғбек туманидаги ўзгалар парваришига муҳтож шахсларга уйда ижтимоий-маиший хизматлар кўрсатишни аутсорсинг орқали ташкил этиш бўйича пилот лойиҳаси амалга оширилади. Лойиҳани амалга оширишда агентлик томонидан ходимларни бепул ўқитиш, хизматни мониторинг қилиш учун ахборот тизимидан бепул фойдаланиш ва ижтимоий хизматларни кенг ёритиш хизматлари таклиф этилади.
Уйда ижтимоий-маиший хизматлар қуйидагиларни ўз ичига олади:
- овқат тайёрлаш (мижозни ёши, табиати ва аллергик хусусиятларини инобатга олган ҳолда) ва ярим тайёр маҳсулотларни тайёрлаб музлаткичда сақлаб қўйиш;
- супуриш-йиғиштириш (хонадондаги мижоз фойдаланиши зарур бўлган барча хоналарни ва жиҳозларни тозалаш);
- кийим-кечакларни ювиш;
- гигиена тадбирларини амалга ошириш;
- зарур озиқ-овқат маҳсулотлари ва дори-дармонларни уйга етказиб бериш;
- хонадондаги сантехника жиҳозларини таъмирлашда (уй-жойни бошқарувчи ташкилотлар ва бошқарувчиларни жалб қилиш) кўмаклашиш;
- сартарошлик хизматидан фойдаланишда кўмаклашиш;
- қариндош ва дўстлар билан ёзишмаларда кўмаклашиш;
- тиббиёт ва спорт муассасаларига бориш ва келишда ҳамроҳлик қилиш.
Иштирокчиларга қўйиладиган талаблар:
- Тиббий хизмат ёки уйда маиший хизмат кўрсатиш тажрибасига эга тадбиркорлик субъектлари иштирок этиши мақсадга мувофиқ.
Ушбу хизматни кўрсатувчи ёки кўрсатишга имконияти бор тадбиркорлар 2024 йил 20 апрелга қадар +998 (88) 199-25-52 рақами орқали алоқага чиқишлари сўралади. Лойиҳа бўйича қўшимча маълумотлар билан қуйидаги ҳавола орқали танишиши мумкин.
Президент ҳузурида Ижтимоий ҳимоя миллий агентлиги давлат раҳбарининг 2023 йил 1 июндаги фармони билан ташкил этилганди. Унинг Қорақалпоғистон Республикаси, вилоятлар ва Тошкент шаҳар бошқармалари ҳамда туман (шаҳар)ларда “Инсон” ижтимоий хизматлар марказлари ҳам ташкил этилди.
Изоҳ (0)