Россия қуролли кучларининг жанубий ҳаракат йўналиши бўлинмалари Донецк йўналишида барча стратегик қулай позицияларни эгаллаб олди. Бу ҳақда “ТАСС” нашри хабар берди.
Россия Мудофаа вазирлиги маълумотларига кўра, кун давомида Украина қуролли кучлари ҳужум бригадасининг иккита қарши ҳужуми қайтарилган.
“Днепр” гуруҳи Работино туманида Украина қуролли кучларига ялпи ўт очган.
“Жанубий кучлар Донецк йўналишида янада қулайроқ позицияларни эгаллаб, Украина қуролли кучларининг аҳоли пунктларида жойлашган 5-, 79-ҳаво ҳужуми, 81-аэромобил, 24-, 28-, 53-механизациялашган бригадаларига ўт очди. Донецк Халқ Республикасининг Антоновка, Красногоровка, Красное, Новое ва Луганск Халқ Республикасининг Белогоровка туманларида тўқнашувлар юз берди”, — дейилади расмий хабарда.
Россия ҳарбийлари, шунингдек, Украина ҳарбий-саноат мажмуаси корхоналарига, ҳарбий аэродромларга ва ёлланма аскарларни вақтинча жойлаштириш пунктларига гуруҳли зарбалар берган. Ҳужум мақсадларига тўла эришилган.
“Бугун тунда Россия қуролли кучлари юқори аниқликдаги узоқ масофага мўлжалланган денгиз ва ҳаво қуроллари, учувчисиз учиш аппаратлари билан Украина ҳарбий-саноат мажмуасининг зирҳли ва автомобиль техникасини ишлаб чиқарадиган ва таъмирловчи корхоналарига, ҳарбий аэродромлар ва хорижий ёлланма аскарларни вақтинча жойлаштириш пунктларига зарба берди. Белгиланган барча нишонларга зарба берилди”, — дейилади вазирлик хабарида.
Изоҳ (0)