Вазирлар Маҳкамаси қарори билан Алишер Хўжаев Кинематография агентлиги директори ўринбосари этиб тайинланди. Бу ҳақда “Дарё”нинг ҳукуматдаги манбаси маълум қилди.
Алишер Хўжаев 2005 йилнинг 15 апрель куни Ўзбекистон телерадиокомпанияси раиси этиб тайинланган эди. 2017 йилнинг февралида лавозимидан олиниб, ўрнига Хуршид Мирзоҳидов Ўзбекистон Миллий телерадиокомпанияси раҳбар бўлганди.
Ўша йилнинг 3 августида Хуршид Мирзоҳидов лавозимидан озод этилиб, Бобур Алихонов ЎзМТРК раиси вазифасини бажарувчи этиб тайинланди. 30 август куни Алишер Хўжаев яна ЎзМТРК раҳбарига айланди.
Ушбу лавозимда бир муддат ишлагач, Вазирлар Маҳкамаси ҳузуридаги миллатлараро муносабатлар ва хорижий мамлакатлар билан дўстона муносабатлар бўйича қўмита раиси ўринбосарлигига ўтди. 2020 йилнинг март ойида Алишер Хўжаев яна МТРК раиси этиб тайинланди.
Алишер Хўжаев 2024 йилнинг февраль ойи аввалида МТРК раиси лавозимидан озод этилганди.
Изоҳ (0)