Златан Ибраҳимович яна майдонга қайтмоқда

Собиқ футболчи Златан Ибраҳимович июнь ойида майдонга қайтади. 

Швеция терма жамоаси ўтган мавсумда фаолиятини якунлаган Златан учун хайрлашув учрашуви ташкил этилишини маълум қилди. 

Сербия терма жамоасига қарши учрашув 8 июнь куни “Френдс Арена” стадионида бўлиб ўтади. 

42 ёшли Ибраҳимович Швеция терма жамоаси сафида 122 та ўйин ўтказиб, 62 та голга муаллифлик қилган.

Шунингдек, Златан Швецияда 12 марта йилнинг энг яхши футболчиси бўлган. Бу рекорд ҳисобланади. 2013 йилда эса Пушкаш совринини қўлга киритган. 

Ибраҳимович футболчилик фаолияти давомида “Малмьо”, “Аякс”, “Ювентус”, “Интер”, “Барселона”, “Милан”, “ПСЖ”, “Манчестер Юнайтед” ва “Лос-Анжелес Гэлакси” жамоалари шарафини ҳимоя қилган. 

Златан ҳозирда “Милан” хўжайини Жетти Кардиналега маслаҳатчи бўлиб ишламоқда.