Швейцарияда смартфонлардан яхшироқ тасвирга оладиган кўзгусиз митти фотоаппарат тақдим этилди (фото)

Швейцариянинг Iʼm Back GmbH стартапи япон фотокамералар бренди — Yashica билан биргаликда Micro Mirrorless номли ихчам кўзгусиз камерани ишлаб чиқди. Лойиҳа Kickstarter номли краудфандинг платформасида жойлаштирилди.

Ишлаб чиқувчилар таъкидлашича, Micro Mirrorless юқори сифатли суратларни олади, унинг габаритлари 77х50 миллиметрни ташкил этади. Қўшимча афзалликларга ташқи микрофонни улаш, йиғиладиган дисплей ва Wi-Fi орқали маълумотларни узатиш каби имкониятлар киради.

Sony компаниясининг сенсори ўрнатилган камера 4K UHD форматида видео олиш имкониятига эга. Гаджет хотираси ушбу форматда 30 дақиқа узлуксиз видео олиши мумкин. Аккумулятор ҳажми 1350 мА/соатни ташкил қилади.

Мини камера камчиликлардан холи эмас. Micro Mirrorless камерасида ёруғлик таъсирида оптик зичлигини ўзгартириш қобилияти паст ва фотоаппаратда автофокус режими ўрнатилмаган.

Камера турли объектив ва аксессуарларга эга учта комплектацияда тақдим этилиши режалаштирилган. Kickstarter’да лойиҳа етарли миқдордаги молиялаштирилган бўлиб, унинг сотуви 2024 йил ноябрь ойида бошланади.

Micro Mirrorless Yashica — I’m Back’нинг оддий комплектдан иборат нархи 200 доллардан бошланади.