2022 йилнинг февраль ойидан кейин Россия бозоридан чиқиб кетиш оқибатида хорижий компанияларнинг йўқотишлари 107 миллиард доллардан ошди. Бу ҳақда тегишли манбаларга таяниб, Reuters хабар берди.
Хабарга кўра, йўқотишларнинг бу ҳажми йўқолган даромадлар ва Россия активларини компаниялар балансидан ҳисобдан чиқариш билан боғлиқ. Янги маълумотлар 2022 йил февралида Россия-Украина уруши бошланганидан кейин глобал корпоратив сектордаги молиявий йўқотишлар кўламини кўрсатади.
Россияни тарк этишга интилаётган компаниялар қўшимча қийинчиликларга дуч келиши, активларини катта миқдорда ҳисобдан чиқаришга мажбур бўлиши ва катта йўқотишларга дучор бўлиши мумкин, — дейди С-РМ консалтинг компанияси вакили Ян Масси Reuters агентлигига.
Агентлик келтирган Европа Иттифоқи менежмент мактаби ҳисоботига кўра, сўнгги икки йил ичида мингга яқин хорижий компания Россия бозорини тарк этган. Шу билан бирга, юзлаб компаниялар, жумладан, француз Auchan конгломерати ва Италия кийим-кечак ишлаб чиқарувчиси Benetton Group ўзаро ҳамкорликни сақлаб қолган.
Reuters кўплаб хорижий истеъмол товарлари ишлаб чиқарувчилари ўз маҳсулотлари рус истеъмолчиларига зарурлигини айтиб, Россиядаги бизнесларини қисқартирмоқчи эмаслигини қўшимча қилган.
Нашрнинг 2023 йил август ойида эълон қилган сўнгги ҳисоб-китоблардан бери хорижий компанияларнинг Россия бозоридан чиқиб кетиши туфайли йўқотишлари ҳажми учдан бирига ошган. Ўша пайтда бу кўрсаткич 80 миллиард доллар бўлган.
Изоҳ (0)