Россия президенти матбуот котиби Дмитрий Песковнинг фикрича, Россия атом саноати кучли рақобат шароитида ҳам “ўзининг етакчи мавқейини” исботлай олди. Унинг сўзларига кўра, келажакда ҳам шундай бўлади.
Шу тариқа Песков Буюк Британия ва АҚШнинг Россияга атом энергияси бозорида рақобат кўрсатиш ниятида эканлиги ҳақидаги баёнотларига изоҳ берди.
“Россия атом саноатининг рақобатбардошлигини шакллантириш жаҳон бозоридаги шиддатли шароитда юз берди. Айнан шу рақобат натижасида Россия атом саноати етакчи мавқеини исботлади. Биз етарлича кучлимиз. Бизнинг атом саноатимиз ҳамкорликдан манфаатдор бўлганларга ўз афзалликларини исботлашда давом этишга тайёр”, — деди жаноб Песков журналистлар билан мулоқот чоғида.
Аввалроқ “Росатом” Ўзбекистонда биринчи атом электр станциясини қуриш бўйича шартнома имзоламоқчи эканлиги маълум қилинганди.
“Биз атом бўйича маданияти ҳам, қонунчилиги ҳам йўқ мамлакатларга кириб борамиз. Қолаверса, биз уларнинг ядровий инфратузилмасини, қонунчилигини яратамиз, одамларни тайёрлаймиз”, — деди россиялик амалдор Геннадий Сахаров.
Изоҳ (0)