Тошкент вилояти Қуйи Чирчиқ туманида яшовчи 20 ёшли (аёл) К.А. ички ишлар органларига мурожаат қилиб, ўзига тегишли бўлган банк картасидан 32,5 млн сўм миқдоридаги пул маблағлари номаълум шахс томонидан фирибгарлик йўли билан ўзлаштирилганини маълум қилган. Бу ҳақда Киберхавфсизлик маркази матбуот хизмати хабар берди.
Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида мазкур жиноятни Фарғона вилояти Фарғона туманида яшовчи 17 ёшли М.Х. содир этгани аниқланди.
Унга кўра, М.Х., жабрланувчи К.А. билан Telegram орқали танишиб, унга “Халями” ботига уланиб пул ўтказса, ютуқ борлиги ҳақида айтиб уни ишонтирган. Жабрланувчи К.А. 32,5 млн сўмни Мавлонбек Орипов исмли шахсга тегишли бўлган банк пластик картасига ўтказиб берган, аммо ҳеч қандай ютуқ олмаганлиги маълум бўлади.
Мазкур ҳолат юзасидан ЖКнинг 168-моддаси 1-қисми (фирибгарлик, яъни алдаш ёки ишончни суиистеъмол қилиш йўли билан ўзганинг мулкини ёки ўзганинг мулкига бўлган ҳуқуқни қўлга киритиш) билан жиноят иши қўзғатилиб, М.Х.нинг содир этилиб фош этилмай қолган бошқа шу турдаги жиноятларга алоқадорлигини текшириш юзасидан тезкор-суриштирув ишлари олиб борилмоқда.
Изоҳ (0)