Россия Хавфсизлик кенгаши раиси ўринбосари Дмитрий Медведев Crocus City Hall даги терактни ташкиллаштиришда иштирок этган барчадан ўч олишга ваъда берди ва уларни “қонуний ва асосий нишон” деб атади.
-d_UrbEb9.jpg)
Биз ҳаммадан қасос оламиз. Ва келиб чиқиши ва мақомидан қатъи назар, иштирок этган ҳар бир киши энди бизнинг қонуний ва асосий мақсадимиздир, — деб ёзади Медведев.
У постга худди “Пикник” гуруҳининг шу номдаги қўшиғини илова қилган.
22 март куни кечқурун Красногорскдаги Crocus City Hall концерт залида теракт содир этилган эди. “Пикник” гуруҳи чиқишидан олдин залга қуролланган одамлар бостириб кириб, томошабинларга қарата ўқ узган. Шундан сўнг кетма-кет портлашлар ва ёнғин бошланган. Воқеа натижасида камида 133 киши ҳалок бўлган, яна 154 киши жароҳатланган. Россия фавқулодда хизматлари вакиллари бу якуний рақамлар эмаслигини таъкидлаган.
23 март куни Россия президенти Владимир Путин терактнинг барча тўрт нафар бевосита айбдори қўлга олинганини айтган. Шунингдек, давлат раҳбари 24 мартни умумхалқ мотам куни деб эълон қилди.
Изоҳ (0)