Rossiya Xavfsizlik kengashi raisi o‘rinbosari Dmitriy Medvedev Crocus City Hall dagi teraktni tashkillashtirishda ishtirok etgan barchadan o‘ch olishga vaʼda berdi va ularni “qonuniy va asosiy nishon” deb atadi.
-d_UrbEb9.jpg)
Biz hammadan qasos olamiz. Va kelib chiqishi va maqomidan qat’i nazar, ishtirok etgan har bir kishi endi bizning qonuniy va asosiy maqsadimizdir, — deb yozadi Medvedev.
U postga xuddi “Piknik” guruhining shu nomdagi qo‘shig‘ini ilova qilgan.
22-mart kuni kechqurun Krasnogorskdagi Crocus City Hall konsert zalida terakt sodir etilgan edi. “Piknik” guruhi chiqishidan oldin zalga qurollangan odamlar bostirib kirib, tomoshabinlarga qarata o‘q uzgan. Shundan so‘ng ketma-ket portlashlar va yong‘in boshlangan. Voqea natijasida kamida 133 kishi halok bo‘lgan, yana 154 kishi jarohatlangan. Rossiya favqulodda xizmatlari vakillari bu yakuniy raqamlar emasligini ta’kidlagan.
23-mart kuni Rossiya prezidenti Vladimir Putin teraktning barcha to‘rt nafar bevosita aybdori qo‘lga olinganini aytgan. Shuningdek, davlat rahbari 24-martni umumxalq motam kuni deb e’lon qildi.
Izoh (0)