“Ўзгидромет” ҳафта давомида кутилаётган об-ҳаво ҳақида маълумот берди.
Унга кўра, 18—19 март кунлари республиканинг кўпчилик вилоятларида қуруқ ва илиқ об-ҳаво сақланиб туради. Фақат Самарқанд, Жиззах, Қашқадарё, Сурхондарё вилоятларининг айрим жойларида кундузи 18 март куни ва Қорақалпоғистон Республикасида баъзи жойларда 19 март куни ёмғир ёғиши мумкин. Ҳаво ҳарорати 15-20 даража илиқ атрофида, баъзи жойларда 22 даражагача, жанубда 25-28 даражагача илиқ бўлади.
20—22 март кунлари мамлакат ҳудудига нам ҳаво кириб келиши кутилмоқда. Республика бўйича вақти-вақти билан ёмғир ёғади, 20—21 март кунлари баъзи жойларда ёғингарчилик кучли бўлади, айрим жойларда момақалдироқ бўлиши мумкин.
Ҳаво ҳарорати 20 мартда 15-20 даража илиқ бўлади, 21—22 мартда 10-15 даража илиққача аста-секин пасаяди.
Шарқий шамол йўналишини ўзгартириб, ғарбдан 7-12 метр/секунд тезликда эсади, 20—21 мартда баъзи жойларда 15-20 метр/секундгача, айрим жойларда баъзида 25-28 метр/секундгача кучайиши мумкин.
Тоғли ҳудудларда қор кўчиш хавфи сақланиб туради.
Тошкентда 18—19 март кунлари ёғингарчилик кутилмайди, 20—22 мартда вақти-вақти билан ёмғир ёғади, момақалдироқ бўлиши мумкин. Шарқий шамол йўналишини ўзгартириб, ғарбдан 5-10 метр/секунд тезликда эсади, 21 мартда 15-17 метр/секундгача кучаяди. Ҳарорат: бугун ва эртага 19-22 даража илиқ; 20 мартда 17-19 даража илиқ бўлади; 21—22 мартда 10-15 даража илиққача аста-секин пасаяди.
Изоҳ (0)