Ўзбекистонда келаси ҳафта бошида қандай об-ҳаво кутилаётгани маълум қилинди

“Ўзгидормет” 18—20 март кунлари республика ҳудудида кузатиладиган об-ҳаво маълумотларини эълон қилди.

Қорақалпоғистон Республикаси ва Хоразм вилоятида ҳаво бир оз булутли бўлади, 18—19 мартда ёғингарчилик кутилмайди, 20 мартда баъзи жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 метр/секунд тезликда эсади. Ҳарорат кечаси 18—19 мартда 2-7 даража илиқ, 20 мартда 4-9 даража илиқ, кундузи 18 мартда 15-20 даража илиқ, 19—20 мартда 10-15 даража илиққача пасаяди.

Бухоро ва Навоий вилоятларида ҳаво бир оз булутли бўлади, 18 мартда баъзи жойларда ёмғир ёғиши мумкин, 19 мартда ёғингарчилик кутилмайди, 20 мартда баъзи жойларда ёмғир ёғади. Шарқий шамол йўналишини ўзгартириб, ғарбдан 7-12 метр/секунд тезликда эсади. Ҳарорат кечаси 18—19 мартда 7-12 даража илиқ, 20 мартда 10-15 даража илиқ, кундузи 18—19 мартда 18-23 даража илиқ, 20 мартда 15-20 даража илиқ бўлади.

Тошкент ва Сирдарё вилоятларида ҳаво бир оз булутли бўлади, 18 мартда ёғингарчилик кутилмайди, 19 мартда баъзи жойларда ёмғир ёғиши мумкин, 20 мартда баъзи жойларда ёмғир ёғади. Шарқий шамол йўналишини ўзгартириб, ғарбдан 7-12 метр/секунд тезликда эсади. Ҳарорат 18—19 мартда кечаси 5-10 даража илиқ, кундузи 15-20 даража илиқ, 20 мартда кечаси 7-12 даража илиқ, кундузи 13-18 даража илиқ бўлади.

Жиззах вилоятида ҳаво бир оз булутли бўлади, 18—19 мартда баъзи жойларда ёмғир ёғиши мумкин, 20 мартда баъзи жойларда ёмғир ёғади. Шарқий шамол йўналишини ўзгартириб, ғарбдан 7-12 метр/секунд тезликда эсади. Ҳарорат 18—19 мартда кечаси 5-10 даража илиқ, кундузи 15-20 даража илиқ, 20 мартда кечаси 7-12 даража, кундузи 13-18 даража илиқ бўлади.

Самарқанд вилоятида ҳаво бир оз булутли бўлади, 18 мартда баъзи жойларда ёмғир ёғиши мумкин, 19 мартда ёғингарчилик кутилмайди, 20 мартда баъзи жойларда ёмғир ёғади. Шарқий шамол йўналишини ўзгартириб, ғарбдан 7-12 метр/секунд тезликда эсади. Ҳарорат 18—19 мартда кечаси 5-10 даража илиқ, кундузи 15-20 даража илиқ, 20 мартда кечаси 7-12 даража илиқ, кундузи 13-18 даража илиқ бўлади.

Қашқадарё ва Сурхондарё вилоятларида ҳаво бир оз булутли бўлади, 18 мартда баъзи жойларда ёмғир ёғиши мумкин, 19 мартда ёғингарчилик кутилмайди, 20 мартда баъзи жойларда ёмғир ёғади. Шарқий шамол йўналишини ўзгартириб, ғарбдан 7-12 метр/секунд тезликда эсади. Ҳарорат кечаси 18—19 мартда 7-12 даража илиқ, 20 мартда 10-15 даража, кундузи 18-23 даража илиқ, 19—20 мартда 20-25 даража илиқ бўлади.

Андижон, Наманган ва Фарғона вилоятларида ҳаво бир оз булутли бўлади, 18—19 мартда ёғингарчилик кутилмайди, 20 мартда баъзи жойларда ёмғир ёғади. Шарқий шамол йўналишини ўзгартириб, ғарбдан 5-10 метр/секунд тезликда эсади. Ҳарорат кечаси 18—19 мартда 3-8 даража илиқ, 20 мартда 5-10 даража илиқ, кундузи 18 мартда 13-18 даража илиқ, 19—20 мартда 15-20 даража илиқ бўлади.

Республиканинг тоғли ҳудудларида ҳаво бир оз булутли бўлади, баъзи жойларда ёғингарчилик бўлади. Қор кўчиш хавфи бор. Шарқий шамол йўналишини ўзгартириб, ғарбдан 7-12 метр/секунд тезликда эсади. Ҳарорат 18 мартда кечаси 0-5 даража илиқ, кундузи 5-10 даража илиқ, 19 мартда кечаси 0-5 даража илиқ, кундузи 3-8 даража илиқ, 19 мартда кечаси ва кундузи 0-5 даража илиқ бўлади.

Аввалроқ Ўзбекистонда 17 март, якшанба куни ҳаво ҳарорати 25 даражагача илиши тўғрисида хабар берилганди.