Тошкент вилоятида табиий газдан ноқонуний фойдаланиш ҳолатлари аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Зангиота ва Чиноз тумани бўлимлари томонидан терговга қадар текширувлар ўтказилган. Текширувлар давомида фуқаролар Д.А. ва Н.Э. ўз хонадонларида ташкил этилган иссиқхоналарни тижорат мақсадида ҳеч қандай ҳужжатсиз умумий фойдаланишдаги газ тармоқларига ўғрилик йўли билан улаб, жами 230,2 миллион сўмлик табиий газдан ноқонуний фойдалангани аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Куни кеча Тошкент вилоятининг Ўрта Чирчиқ туманида 1,1 млрд сўмлик табиий газдан ноқонуний фойдаланган корхона аниқланган эди.
Изоҳ (0)