Diario Спорт нашрининг хабар беришича, Илкай Гюндоган, Иньяки Пеня ва Фермин Лопес мавсумни жароҳатларсиз ўтказмоқда. Айнан ушбу футболчилар барча ўйинларда иштирок этиш учун шай ҳолатда бўлган. Қолган барча футболчилар қайсидир ўйинни жароҳат сабаб ўтказиб юборган.
“Барселона” жамоасини жароҳатлар биринчи турданоқ безовта қилади. Масалан, Роналд Араухо биринчи тур ўйинида “Хетафе”га қарши баҳсда жароҳат сабаб ўйнай олмаган. Худди шу сабаб билан Мартинес ўйинларда қатнашмаган. Педри, Фрэнки де Йонг, Рафинья, Левандовски, Сержи Роберто ва Кунде ҳам мавсум давомида жароҳат сабаб ўйинларда қатнаша олмаган бўлса, тер Штеген, Маркос Алонсо ва Алекс Балде каби футболчилар жарроҳлик амалиёти ўтказишга ҳам мажбур бўлди.
Маълумотларга қараганда, Гави, Фрэнки де Йонг ва Педри биргаликда фақатгина бир марта ўйнай олган.
Гави ўтказилган 39 ўйиндан 23 тасини, Педри эса 15 тасини ўтказиб юборган. Де Йонг 10 ўйинда қатнаша олмаган.
Эслатиб ўтамиз, Педри ва де Йонг “Атлетик” билан бўлган баҳсда яна жароҳат олди.
Изоҳ (0)