Тошкент вилоятида бир йилда жами 4 мингга яқин ерга оид ҳуқуқбузарлик ҳолатлари аниқланди деб хабар бермоқда вилоят Кадастр агентлиги ахборот хизмати.
Қайд этилишича, Кадастр агентлигининг Тошкент вилояти бошқармаси томонидан 2023 йил давомида олиб борилган назорат тадбирлари давомида жами 3 949 та ерга оид ҳуқуқбузарлик ҳолатлари аниқланган. Энг кўп ҳолатлар қуйидаги ҳудудларда қайд этилган:
- Янгийўл тумани — 251 та:
- Тошкент тумани — 248 та:
- Юқори Чирчиқ тумани — 241 та:
- Бўстонлиқ тумани — 210 та.
Кадастр агентлиги Тошкент вилояти бошқармаси фуқаролардан рухсатсиз қурилиш қилмасликларини, ерларни ўзбошимчалик билан эгаллаб олмасликни ва эгалик ҳуқуқи мавжуд бўлганда эса ўз вақтида давлат рўйхатидан ўтказишни сўради.
Изоҳ (0)